بقلم : سلوى عبدالكريم

حته تانية فى الحب والغلاوة دى بتكون حته غالية أوي حته إسبشيال ممنوع الإقتراب فيها أو التصوير حته خاصة جداً جداً جداً مغلفة بكل المواد الحافظة الغير قابلة للتلف واللى يتشال فيها ضرورى يكون بقدر غلاها وقيمتها حد كده لازم يكون منتقاه بعنايه فائقة رويداً رويداً بتؤده وعلى مهل لأنها من الصعوبه بمكان إنك تلاقلها ساكن يكون جدير بها وبذاتك ياترى مين يستحق إنك تحطه فى الحته التانية الخاصة أوى دي .. اكيد لمن يقرأ البوست يجول بخاطره معاني كثيرة منها * اللي يحبنى ويسعدنى ويصونى ويحفظ كرمتي * اللي مابيشوفش غيرى قدام عينيه ويحفظ غيبتى ويحترمنى فى غيابي قبل حضورى * اللى بيخاف عليا وعلى زعلي ومابهونش عليه * اللى بيهتم بيا ويحتويني وعنده الثانيه فى بُعدى سنه * اللي يغليني ويرفع قدرى بيني وبينه وأمام العامة والخاصة * اللى أكون بالنسباله شمس نهاره وقمر لياليه وأكون عمره وحبه والحاضر والمستقبل شايفني فيه * اللى يطبطب عليا ويداويني ويعفني ويراضيني * اللى يدللني ويدلعني وتكون علاقتي به علاقه مريحه هاديه كلها انسجام وشغف * اللى يكون سهل هين لين مايكونش عبوث ولا فظ اللسان وفى الحقيقة كلها معانى مهمه وحقيقيه وصحيحة وضرورية أكيد بالطبع لكن الأهم من المهم ومن يستحق إنه يتشال وتحطه فى الحته التانية دي * (طويل البال ) اللى شايف عيُوبك عند كثير من الناس مميزات يعنى شايف زنك وغيرتك حب وإهتمام مش ضيقه وخنقه * ( المخلص ) اللى يحب جمالك وروحك فى عجزك زي ماحبك فى صباكِ *( الوفي ) اللي يشوف علامات الكبر على وجهك عشره وتفانى ومسانده زي ماكان شايفها فى صباكِ جمال ونضاره ورونق * ( الأصيل ) اللى يفضل يحبك ويحب تعبيرات وجهك وروحك مهما اتغير شكلك * ( الأمين ) اللى لو وقعت فى يوم ورجلك ماشلتكيش تلاقيه ظهرك وسندك * ( الحنون ) اللى يكون رحيم فى طبعه لو زعلت وغضبت وبعدت يقرب ويجري عليك وماينساش الحب والود اللى بينكم فى لحظة غضب* ( الكريم ) كريم فى عيشته كريم فى طبعه فياض المشاعر رطب اللسان لا يعرف للبخل عنوان * ( الحليم ) اللى بيعذر ويقدر وان يوم قصرت أو أخطأت زى البشر يقيم عثراتك ويتغاضى عن هفواتك ويصون عشرتك مش يجرح ويذبح ويفرق لحمك بالمجان ولا يبالى * ( الحكيم ) اللي لا يفجر فى خصومته ولا يتصف بصفات المنافق ولو فى يوم أختلفتم مايكشفش سترك ويغطيك مش يعريكِ ويلصق فيك ماليس فيك بدم بارد * ( اللى يخاف ربنا ) وتكونى معاه مستسلمه وآمنه ومطمئنه وواثقه من جدعنته وشهمته ورجلته وطيب أصله إنه عمره مايتخلى عنك ويغدر بك أو يخونك أو يبيعك ** يعنى بإختصار ** ( للراجل اللى يكون راجل .. ويكون راجل بجد )