كتبت: شاهيناز إسماعيل

أجابت الفنانة سلوى عثمان، عبر موقع “فوشيا”، عن سؤال وجه لها كيف ترين هدايا أحمد أبو هشيمة لياسمين صبري؟، حيث يتكلم السوشيال ميديا عن السيارة التي أهداها لها، والتي تخطت الـ 10 ملايين جنيه مصري، قالت: “أنا من وجهة نظري.. ده جوزها وهو حر وكل إنسان حر أنه يهادي زوجته بما شاء، ويدلعها ويجلب لها الهدايا الثمينة، طبعًا كل واحد حسب مقدرته، هو ما شاء الله ربنا مديله وعايز يهادي زوجته بحاجة حلوة.. حاجة غالية، لكن عايزة أقول حاجة أنا من أنصار المثل القائل: “داري على شمعتك تقيد”، يعني مش لازم لما يبقى عندنا حاجة أو نجيب حاجة نعرضها ونعلنها، وطبعًا هما أحرار أن كانوا عايزين كده”.

وتابعت “عثمان”، “ومش كل واحد قادر.. فبقول بالراحة عالشباب اللي مش قادر يجيب ويعمل ويتجوز، ويبقى عنده بيت وزوجة”.

واستطردت حديثها قائلة: “وبعدين بتحصل مقارنات بين الأزواج، يعني أنت مبتجبليش ليه؟.. طيب هو راجل مقتدر ما شاء الله، وجاب لها، زوجك هايجيبلك منين، وهكذا كل واحد على قد ظروفه”.

ثم تحدثت عن ياسمين صبري، قائلة: “هي ربنا يبارك لها طبعًا في جوزها.. وفي حياتها، لكن بس داري على شمعتك تقيد”.

واختتمت حديثها قائلة للشباب، بكرة ربنا يديكوا إن شاء الله، ويبقى كتير منكم في مستويات حلوة، ومزحت قائلة: “معرفش ساعتها هاتداروا على شمعتكم ولا لا”؟!!.