بقلم الكاتبه/فاطمة عقل

رمضان فى مصر يختلف عن اى مكان تانى فى العالم ولها طقوس مميزه من عادات وتقاليد فى شهر رمضان من عصور مختلفه فى القرن الثامن الميلادي قاهرة المعز اتعملت اول مائدة رحمن في التاريخ وكانت بتقدم احلى الاكلات العربية

وده حصل فى عهد الليث ابن سعد بن عبد الرحمن واللى كان معروف بإمام اهل مصر فى عصره وسمى المائدة على اسم جده مائدة الرحمن اللى ورثها من بعده كل اهل الخير للان وفى نفس الوقت اخترع المصريين الكنافه التى اتعملت مخصوص للخليفة الاموى سليمان بن عبد الملك اللى كان

بيحكم مصر وقتها وكانت الكنافه والقطايف بينكتب فيها أبيات من الشعر وكان من أهمها منهل اللطايف فى الكنافه والقطايف وفى العهد الفاطمي وتحديدا فى القرن العاشر كانوا القضاه متعودين يطوفوا على مساجد القاهرة والاقاليم عشان يطمنو ان المساجد اتجهزت

وتفرشهلها السجاد الملون الجديد قبل وصول شهر رمضان ومن أشهر الاسواق اللى اشتهرت فى هذا الوقت سوق اسمه الشماعين اللى كان بيتباع فيه الفوانيس الل ى اخترعها المصريين وكانوا الاطفال بيجتمعوا ويغنوا وهما ماشين بفوانيسهم المنوره

فى الحوارى والشوارع من بعد الفطار ولحد صلاة التراويح وكمان سوق الحلاويين وسوق السمكرية اللى كانوا من اكثر الاسواق المبهجة وقتها وكان بيتباع فيهم الحلويات وياميش رمضان وقمر الدين والمكسرات عشان كده رمضان فى مصر غير اي بلد تانيه اما عن مظاهر الاحتفال فى العصر الفاطمي ماكنش بالحلويات والاكل بس لان رمضان عندهم كان حدث مهم جدا وكان الخليفه بيعلن عن حلول شهر رمضان

بنفسه وكان بيتزين بملابس فخمه ويخرج هو والوزاراء بلبسهم المصنوع من الذهب والفضة راكبين خيولهم وفي أيديهم الرماح والأسلحة والأعلام وكان موكب الخليفة بيبدا من منطقة بين القصرين اللى هى شارع المعز حاليا وبيمشي فى منطقة الجمالية لحد مايخرج من باب الفتوح وفى الطريق كان بيوزع الصدقات على الفقراء ولما يرجع للقصر يستقبلوه المقربون بتلاوة القرآن الكريم وكان بيبعت

لكل امير من دولته طبق من الذهب والفضة وفيه جميع انواع الحلويات وكان الخليفه الفاطمي بيصلي ايام الجمعة فى شهر رمضان فى مساجد محدوده وهما مسجد الحاكم بأمر الله ومسجد الاوهر واخر جمعه كان بيصليها فى مسجد عمرو بن العاص وده كانت طقوس الاحتفال بشهر رمضان المبارك في مصر

لاجل هذا رمضان فى مصر غير اي بلد تانيه رمضان كريم علينا الأمة الإسلامية جميعا وكل عام وانتم بخير

بقلم الكاتبه/فاطمة عقل